Létt og ferskt freyðivín

La Grave Bertin Pétillant Rosé (Extra Brut) er létt og ferskt freyðivín frá Bordeaux í Frakklandi. Þetta vín er eingöngu unnið úr Cabernet Franc þrúgum sem eru tíndar snemma dags til að tryggja ljósan lit og ferskleika. Þrúgurnar eru kreistar í loftþéttu umhverfi til að koma í veg fyrir oxun og safinn látinn liggja með hýðinu í stuttan tíma við lágan hita. Eftir gerjun er vínið látið hvíla í tvo mánuði áður en það er fyllt á flöskur. Vínið er fallega ljósbleikt á litinn með fínlegum loftbólum sem gefa því létt og glæsilegt yfirbragð. Ilmurinn minnir á jarðarber, svört ber og sólber, og bragðið er létt, freyðandi og mjúkt með ferskri áferð. Eftirbragðið er þurrt og viðvarandi.

Framleiðandinn

Château la Grave Bertin er fjölskyldurekin víngerð sem á sér langa sögu. Víngerðin var stofnuð árið 1895 og er staðsett á milli Bordeaux borgarinnar og Saint-Émilion. Núverandi eigendur, bræðurnir Maxime og Sébastien, hafa stýrt víngerðinni frá árinu 2009 ásamt foreldrum sínum Yannick og Nadine. Þau hafa unnið að því að blanda saman hefðbundnum víngerðaraðferðum með nútímalegri nálgun til að skapa vín sem endurspegla bæði sögulega arfleifð og nýsköpun. Víngerðin er HVE-vottuð (High Environmental Value), sem þýðir að hún fylgir sjálfbærum ræktunaraðferðum sem miða að því að vernda náttúruna og bjóða upp á hágæða vín.

Vínpörun

Fiskur
Tapas
Sumarréttir
Fordrykkur
Grillmatur

Upplýsingar

Land: Frakkland
Svæði: “Vin de France”
Þrúga: Cabarnet Franc
Áfengismagn: 12 %

Freyðivín í netverslun Vínklúbbsins