Corazón Loco Blanco

Létt og leikandi hvítvín frá Iniesta

Corazón Loco Blanco er ferskt og áreynslulaust hvítvín frá Manchuela, blanda af Sauvignon Blanc og Verdejo. Liturinn er ljósgylltur með grænleitum blæ og ilmurinn frískandi: sítróna, greipaldin, græn epli og nýslegið gras. Bragðið er létt og snarpt með lifandi sýru, þurrum sítrusávexti og hreinu, svalandi eftirbragði. Þetta er hvítvín án allra vafninga - beint í mark sem fordrykkur eða með léttum mat, og hjartað á miðanum minnir á að vín má vera skemmtilegt.

Framleiðandinn

Bodega Iniesta í Manchuela er í eigu fjölskyldu knattspyrnugoðsagnarinnar Andrés Iniesta og hjartað á miðanum er orðið einkennismerki hússins. Hvíta blandan sameinar snerpu Sauvignon Blanc og ávaxtamýkt Verdejo, tvær af skemmtilegustu hvítvínsþrúgum Spánar í einni flösku.

Vínpörun

• Fordrykkur
• Fiskur
• Skelfiskur
• Salöt