Í villibráðarkassanum 2025 eru þrjár stórfenglegar og bragðmiklar rauðvínsvínsflöskur sem parast sérlega vel með rauðu kjöti og íslenskri villibráð á borð við hreindýr, gæs og rjúpu.
Í villibráðarkassanum eru vínin:
Gigondas Les Roches (2020): Einstakt Syrah rauðvín frá Rhone
Þetta einstaka vín er eingöngu framleitt úr Syrah-þrúgum af lítilli, norðurvísandi spildu með gömlum vínvið, sem tryggir hægan þroska og mikla fágun. Vínið býður upp á stórfenglegan og flókinn ilm af dökkum ávöxtum, með keim af kakói og brenndum kaffibaunum. Bragðið er fyllt og þétt en um leið með silkimjúkri áferð. Eftirbragðið er viðvarandi, í góðu jafnvægi og einkennist af þroskuðum tannínum og krydduðum keim af rósmarín og lakkrís. Þetta er sannkallað hátíðarvín sem sameinar kraftmikið bragð, mikinn hreinleika og einstakt jafnvægi. Mælt er með því að umhella víninu nokkrum klukkustundum fyrir framreiðslu. Vínið hentar einnig vel til geymslu.
Cobos Cocodrilo Corte Mendoza (2021): Argentínsk túlkun á Bordeaux
Cocodrilo Corte er glæsileg Bordeaux-blanda frá Mendoza, sköpuð af hinu virta vínhúsi Viña Cobos. Vínið er byggt á handtíndum Cabernet Sauvignon þrúgum sem gefur því kraft og uppbyggingu, ásamt Malbec, Petit Verdot og Merlot sem auka flækjustig og dýpt. Vínið hefur þroskast í eikartunnum í 14 mánuði. Liturinn er djúprauður með fjólubláum tónum og ilmurinn einkennist af dökkum plómum og brómberjum, ásamt lakkrís, þurrkuðum kryddjurtum og léttum steinefnakeim. Bragðið er fyllt og safaríkt, með þéttum en silkimjúkum tannínum sem veita víninu glæsilega og flauelskennda áferð. Eftirbragðið er viðvarandi og ávaxtaríkt.
Forces de Vies (2019): Kraftur lífsins frá Bordeaux
Forces de Vies (kraftur lífsins) er einstakt vín sem veitir vellíðan og góða orku. Merkimiðinn er listaverk í sjálfu sér, en hann táknar fjölbreytileikann í bíódínamískri vínrækt og tenginguna við dýralífið, stjörnumerkin og tungldagatalið. Vínið er látið þroskast í 18 mánuði í nýjum eikartunnum og ilmar af bæði blómum og berjum. Bragðið einkennist af hindberjum, kirsuberjum, plómum, kryddum, eik og steinefnum. Force de Vies er vín sem er framleitt af mikilli kostgæfni og sem hentar vel með flestum kjötréttum.
Vínkassar Vínklúbbins innihalda hágæðavín sem eru handvalin og sérinnflutt. Í hverjum vínkassa eru þrjár vínflöskur sem koma í fallegum og handhægum gjafaumbúðum. Með vínkassanum fylgir skemmtilegur fróðleikur um uppruna og framleiðanda hvers víns ásamt tillögum um vínpörum. Það er sannkölluð upplifun að opna Vínkassa frá Vínklúbbnum.
