Noble Hill Chenin Sur Lie (2024)

Mjúkt og ferskt Chenin Blanc

Noble Hill Chenin Sur Lie er ljómandi hvítvín með fölgylltum lit. Ilmurinn dregur fram safaríkar perur, gul epli, melónu og sítrusblóm, með mjúkum bakaratónum sem vitna um þroskun á botnfalli. Sur lie aðferðin - að láta vínið hvíla á fínu gerbotnfalli - gefur því fyllingu, mýkt og rjómakennda áferð sem sjaldan sést í svo ungu og fersku hvítvíni. Sýran er engu að síður lifandi og heldur víninu léttu á fæti, og fíngerðir steinefnatónar koma fram í gegnum hreint eftirbragðið. Þetta er hvítvín sem sameinar svala og fyllingu á sérlega sjarmerandi hátt - suður-afrískt Chenin Blanc eins og það gerist skemmtilegast, jafn gott eitt og sér og með mat.

Framleiðandinn

Noble Hill er fjölskyldubúgarður við rætur Simonsberg-fjallsins í Paarl í Suður-Afríku. Hlíðar fjallsins bjóða upp á fjölbreyttan jarðveg og svalari ræktunarskilyrði en láglendið í kring, sem hentar Chenin Blanc afar vel. Chenin er mest ræktaða hvíta þrúga Suður-Afríku og hefur á síðustu áratugum fest sig í sessi sem eitt helsta stolt suður-afrískrar víngerðar. Hjá Noble Hill fær hún sur lie meðferð sem gefur vínunum fyllingu og mýkt umfram hið hefðbundna.

Vínpörun

• Fiskur
• Skelfiskur
• Fordrykkur
• Salöt
• Grænmetisréttir