Sumarlegt og ferskt hvítvín
Brakandi ferskt og skemmtilegt hvítvín sem er unnið úr handtíndum Chenin Blanc þrúgum frá Languedoc í Suður-Frakklandi. Vínið er látið þroskast í blöndu af stáltönkum (80%), sem varðveitir ferskleika og ávaxtabragð, og eikartunnum (20%) sem gefur víninu krydd og margbreytileika.
Vínið er fölgult á litinn og ilmar af apríkósum og þurrkuðum ávöxtum með keim af blómum og sítrus. Bragðið er ferskt og líflegt, með keim af apríkósu, peru og grænu epli. Nafnið “La nature connait le chemin” þýðist lauslega “náttúran þekkir leiðina” enda er vínið ósíað og alfarið unnið á lífrænan hátt og inniheldur ekkert súlfíð. Vínið flokkast því sem náttúruvín.
Framleiðandinn
Artisans Partisans er teymi frá Domaine Ollieux Romanis; þrír vínbúgarðar sem hafa sameinast í einum tilgangi: að framleiða gott og hreint vín. Hugmyndafræði þeirra er að vinna með og fara vel með jarðveg svæðisins (terroir) og ávallt gera það sem er best fyrir umhverfið.
Vínpörun
-
Fordrykkur
-
Fiskur
-
Skelfiskur
-
Asískir réttir
-
Ostar
Upplýsingar
