Duckhorn Napa Valley Cabernet Sauvignon (2021)

Höfðinglegur Cabernet frá Napa

Duckhorn Napa Valley Cabernet Sauvignon er djúpt og dökkt vín, nánast ógegnsætt í glasi. Ilmurinn er ríkulegur og lagskiptur: sólber, dökk kirsuber og brómber blandast sedrusviði, mokka, tóbakslaufi og mildum kryddtónum. Í munni er vínið fyllt og höfðinglegt, með þéttum en fáguðum tannínum, safaríkum dökkum ávexti og þeirri hlýju sem einkennir bestu vín Napa-dalsins. Sýran er nægileg til að halda öllu í jafnvægi og eftirbragðið er langt og fyllandi. Þetta er Cabernet sem stendur undir nafni dalsins — kraftmikið og sjálfsagður förunautur með vænni nautasteik eða öðrum veislumat þegar mikið liggur við.

Framleiðandinn

Duckhorn Vineyards var stofnað í Napa Valley árið 1976 af hjónunum Dan og Margaret Duckhorn og er í dag eitt af þekktustu víngerðarhúsum Kaliforníu. Húsið gat sér snemma orð fyrir vín úr Bordeaux-þrúgum og átti stóran þátt í að hefja kalifornískan Merlot til vegs og virðingar. Cabernet Sauvignon frá Duckhorn byggir á sömu gildum: vönduðum vínekrum víðs vegar um Napa-dalinn, nákvæmri víngerð og stíl sem sameinar kraft og fágun.

Vínpörun

• Nautakjöt
• Lambakjöt
• Villibráð
• Grillmatur
• Ostar