Le Dôme Saint-Émilion Grand Cru (2018)

Eftirsótt stórvín frá Saint-Émilion

Le Dôme 2018 er blásvart í kjarnann með fjólubláum bjarma. Ilmurinn er hrífandi og einkennandi fyrir Cabernet Franc í aðalhlutverki: fjólur, brómber, grafít, ferskar kryddjurtir og fínleg, krydduð eik sem umlykur heildina. Í munni er vínið þétt og einbeitt, með mikilli fyllingu og þéttriðnum en fullkomlega slípuðum tannínum, meðan svalur ferskleiki og steinefnakennd spenna halda öllum kraftinum í skorðum. Merlot mýkir og fyllir, en það er Cabernet Franc sem gefur víninu sitt aristókratíska yfirbragð og ilmandi flug. Eftirbragðið virðist engan enda ætla að taka. Umhelling er nauðsynleg sé vínið opnað ungt, en í góðum kjallara á það áratugi fram undan. Eitt af stóru nöfnum Saint-Émilion og stendur undir hverju orði.

Framleiðandinn

Le Dôme er flaggskip Jonathan Maltus og hefur skipað sér á lista yfir eftirsóttustu vín Saint-Émilion. Sérstaða þess liggur í óvenju háu hlutfalli Cabernet Franc, sem er fátítt á hægri bakka Bordeaux og gefur víninu einstakan ilm og byggingu. Nýi víngerðarsalurinn, teiknaður af arkitektinum Norman Foster, er orðinn kennileiti svæðisins og undirstrikar metnaðinn sem býr að baki hverri flösku.

Vínpörun

• Nautakjöt
• Lambakjöt
• Villibráð
• Ostar