Suður franskt gulvín ("Orange wine")
„Salamandre“ er einstaklega ljúffengt og þægilegt vín sem er unnið úr Grenache Blanc þrúgum. Grenache Blanc er græn þrúga sem er almennt notuð í hvítvín, en í þessu víni er þrúgurnar látnar gerjast með hýðinu. Þar sem hýðið inniheldur margvísleg lyktar- og bragðefni, litarefni og tannínsýru, fær vínið dekkri lit, meiri strúktúr og fyllingu. Vín sem er unnið á þennan hátt kallast gulvín eða “orange" vín. Almennt er litið á gulvín sem hvítvín sem er framleitt á sama hátt og rauðvín. Salamandre er látið þroskast í 4 vikur í steyptum kerum og síðan 3 mánuði í stáltönkum. Hér er á ferðinni ferskt létt drekkanlegt vín sem hefur fínan appelsínugulan lit og ilmar af sítrus og greipaldin. Vínið inniheldur ekkert Súlfít og flokkast sem náttúruvín. Salamandre hentar vel sem fordrykkur og parast vel með tapas, salatréttum, paella og grillmat. Frábært sumarvín.
Framleiðandinn
Château Saint-Cyrgues er staðsett í suðurhluta Frakklands nálægt Nimes í Saint-Gilles. Kastalinn er sögufrægur enda hafa margir pílagrímar átt leið framhjá á leið sinni til Jerúsalem. Kastalinn er staðsettur þar sem kirkjan Saint Cirice des Marges stóð og hann er syðsti víngarðurinn í Rhône-dalnum. Þessi staðsetning gefur af sér vel þroskuð ber sem mynda góða fyllingu í víninu.
Vínpörun
- Fordrykkur
- Grillmatur
- Salat
Upplýsingar
- Land: Frakkland
- Svæði: Rhône
- Þrúga: Grenache Blanc
- Árgerð: 2022
- Áfengismagn: 12,5%
- Vinið er lífrænt
