Kraljevski Crljenak (2016)

Upprunalegur Zinfandel frá Dalmatíu

Kraljevski Crljenak er dökkt og kraftmikið rauðvín frá Dalmatíu í Króatíu, unnið úr þrúgunni Crljenak Kaštelanski, hinni upprunalegu þrúgu á bak við Zinfandel. Liturinn er djúpur og dökkrauður. Ilmurinn er hlýr og suðrænn: þroskuð brómber, kirsuberjasulta, þurrkaðar fíkjur, svartur pipar og Miðjarðarhafskryddjurtir. Bragðið er fyllt og safaríkt með ríkulegum ávexti, hóflegri sýru og þéttum en mjúkum tannínum; hlýjan í víninu ber vott um örláta dalmatíska sól. Hér fær vínáhugafólk að smakka söguna sjálfa, þrúguna eins og hún hefur verið ræktuð við Adríahafið öldum saman áður en hún lagði Kaliforníu að fótum sér. Karakterríkt og eftirminnilegt vín fyrir alla sem vilja rekja rætur Zinfandels.

Framleiðandinn

Kraljevski vinogradi við Zadar eru ung víngerð með þúsund ára forsögu og nafnið vísar til víngarða sem Petar Krešimir IV Króatíukonungur gaf klaustri heilagrar Maríu í Zadar árið 1066. Þegar nýir víngarðar voru gróðursettir í hlíðunum við Petrčane árið 2009 var forna heimaþrúgan Crljenak sett í öndvegi ásamt Pošip og Plavac Mali. Stíll hússins - hreinn ávöxtur og steinefnakenndur ferskleiki jarðvegsins - hefur á fáum árum aflað því alþjóðlegra verðlauna.

Vínpörun

• Grillmatur
• Nautakjöt
• Lambakjöt
• Villibráð
• Pottréttir