Canvasback Cabernet Sauvignon Red Mountain (2013)

Kraftmikið Cabernet frá Red Mountain

Canvasback Cabernet Sauvignon er dökkt og kraftmikið rauðvín með djúpum, nærri ógegnsæjum purpuralit. Ilmurinn er ríkulegur: sólber, dökk kirsuber, brómber, dökkt súkkulaði og ristaðir tónar með votti af myntu og grafít. Red Mountain er eitt heitasta og þurrasta vínræktarsvæði Washington-ríkis og það skilar sér í þéttu, þroskuðu víni með mikilli fyllingu, safaríkum dökkum ávexti og stæltum en fáguðum tannínum. Sýran heldur öllu í skorðum og eftirbragðið er langt og kryddað með dökkum undirtónum. Þetta er metnaðarfullt Cabernet sem sameinar kraftinn frá Red Mountain og fágun í framsetningu. Vín fyrir þá sem kunna að meta dökk, þétt og eftirminnileg rauðvín með alvöru uppbyggingu.

Framleiðandinn

Canvasback er Washington-armur hinnar þekktu Duckhorn-fjölskyldu, stofnaður árið 2012 í þeim tilgangi að vinna Cabernet Sauvignon af hinu sólríka Red Mountain AVA. Svæðið er rómað fyrir þétt og kraftmikil Cabernet-vín og þar sá Duckhorn tækifæri til að færa út kvíarnar norður fyrir Kaliforníu. Nafnið vísar í villiönd, líkt og önnur merki fjölskyldunnar, og vínin bera sömu áherslu á vandaða víngerð og fágaðan stíl og systurhúsin syðra.

Vínpörun

• Nautakjöt
• Lambakjöt
• Villibráð
• Grillmatur
• Ostar