Tignarlegt vín frá Piemonte
Barbera d'Alba Vignota er bragðmikið og tignarlegt vín frá Piemonte héraðinu á norður Ítalíu. Vínið hefur hlotið lof gagnrýnenda, enda er hér á ferðinni einstaklega glæsilegt og eftirminnilegt Barbera rauðvín. Vínið er dökkt á litinn og ilmar af svörtum ávöxtum, rósablöðum, brenndu kryddi og trufflum. Það er flauels mjúkt í munni en bragðið einkennist af ávöxtum og þroskuðu tanníni.
Framleiðandinn
Conterno Fantino var stofnað árið 1982 og er einn af allra bestu framleiðendunum í Piemonte héraðinu á Ítalíu. Búgarðurinn trónir hátt fyrir ofan bæinn Monforte d’Alba og er þekktur fyrir að framleiða dökk, kröftug og tignarleg vín í takmörkuðu magni. Barolo vínin frá Conterno Fantino eru sérlega fræg, en Dolcetto, Barbera og Chardonnay vínin er öll í hæsta gæðaflokki. Þrúgurnar hafa verið lífrænt ræktaðar í nokkra áratug en frá og með 2021 verður vínframleiðslan lífrænt vottuð.
Vínpörun
- Svínakjöt
- Alifugl
- Pottréttir
Upplýsingar
- Land: Ítalía
- Svæði: Piemonte
- Þrúga: Barbera
- Árgerð: 2020
- Áfengismagn: 14,5%
