Domaine Charles Audoin
Lífrænt Pinot Noir frá Marsannay
Marsannay Cuvée Marie Ragonneau frá Domaine Charles Audoin býður upp á djúpstæða tjáningu á Pinot Noir frá Cote de Nuits. Vínekrurnar er staðsettar í tæplega 300 metra hæð og vínin þaðan einkennast af miklum ferskleika og kröftugum ilm af ljósum, rauðum ávöxtum. Þetta vín er engin undantekning. Vínið er framleitt úr lífrænt ræktuðum þrúgum af þremur bestu ekrum svæðisins. Þar er vínviðurinn allt að 70 ára gamall. Vínið hefur verið látið þroskast í 12 mánuði á frönskum eikartunnum (þar af 25% nýjar) sem gefur því fágaðan og margslunginn karakter. Liturinn er tær og aðlaðandi og ilmurinn einkennist af rauðum berjum, þroskuðum kirsuberjum og jarðarberjum ásamt fínlegum keim af þurrkuðum jurtum, skógarbotni, söltuðum möndlum og léttum pipar. Bragðið er silkimjúkt og meðal fyllt, með þéttum en fíngerðum tannínum. Þetta er vín með kröftugum ávexti, djúpum og söltum undirtóni og viðvarandi, hreinu eftirbragði.
Framleiðandinn
Domain Charles Audoin er að finna í Marsannay sem er lítill bær staðsettur í Côte de Nuits, rétt sunnan við Dijon. Côte de Nuits er eitt af fimm vínræktarsvæðunum í Bourgogne og það er heimsfrægt fyrir að framleiða bestu og fínustu rauðvínin í Bourgogne. Charles Audoin er ókrýndur Konungur Marsannay og er talinn eiga bestu vínekur svæðisins, enda hafa vínin hans hlotið lof frá alþjóðlegum gagnrýnendum á borð við Robert Parker. Domain Charles Audoin hefur unnið að lífrænni ræktun um árabil og fékk fulla vottun frá og með árgerð 2021.
Vínpörun
-
Nautakjöt
-
Svínakjöt
-
Alifugl
-
Villibráð
Upplýsingar
-
Víngerð: Rauðvín
-
Land: Frakkland
-
Svæði: Bourgogne
-
Þrúga: Pinot Noir
-
Árgerð: 2021
-
Áfengismagn: 13%
