Í jólakassanum árið 2025 eru ljúf og einstaklega bragðgóð vín í miklu jafnvægi sem eru sérvalin með tilliti til íslenskra jólahefða og eru brot af því besta sem við höfum smakkað.
Í jóla- og hátíðarkassanum bjóðum við upp á þrjú sannkölluð hátíðarvín. Fyrst er það brakandi ferskt Sancerre frá Loire-dalnum. Næst er það lífrænt ræktað og fágað Pinot Noir frá Marsannay í Búrgúndí og að lokum bjóðum við upp á The Boxer frá Mollydooker sem er kraftmikið og ávaxtaríkt Shiraz frá Ástralíu. Tvö rauðvín og eitt hvítvín sem smellpassa á hátíðarborðið um jólin, hvort heldur sem er með hamborgarhryggnum, villibráðinni eða humarveislunni. Frábær jólavín!
Í jólakassanum 2025 eru vínin:
Sancerre AOP Domaine Curot (2023): Brakandi ferskt Sancerre hvítvín
Þetta Sancerre frá Domaine Curot í Loire-dalnum er sannkallað hátíðarvín. Þrúgurnar eru ræktaðar í jarðvegi sem einkennist af leir- og kalksteini með tinnu, sem gefur víninu sérstakan steinefnakeim. Þrúgurnar eru handtíndar að næturlagi til að varðveita ferskleika þeirra og ilm. Eftir pressun er safinn látinn gerjast við lágt hitastig og síðan fær vínið að þroskast með gerbotnfallinu fram á vor til að auka fyllingu og fágun. Liturinn er ljósgulur með grænum tónum. Ilmurinn einkennist af framandi ávöxtum líkt og mangó og litsí með keim af ananas og ástaraldin. Bragðið er fyllt, hreint og frískandi með steinefnaríku eftirbragði.
The Boxer Shiraz (2021): Kröftugur karakter frá Ástralíu
„Mollydooker“ er gamalt ástralskt slangur fyrir örvhentan hnefaleikakappa, en þetta vín er sannkallaður þungavigtarmeistari sem dansar eins og Muhammed Ali. The Boxer, er alfarið unnið úr Shiraz þrúgum sem er látið þroskast í blöndu af nýjum og gömlum amerískum eikartunnum. Vínið er ríkt og djúpt með glæsilegum og kraftmiklum ilmi og þar má finna keim af ferskum plómum, brómberjum, sólberjum, enskum lakkrís, dökku súkkulaði, tjöru og vanillu. Bragðið býður upp á einkennandi og ríkjandi ávöxt, milda sýru og silkimjúk tannín með rjómakenndri áferð. Bragðið er kraftmikið og fyllir allt munnholið með áköfu og löngu eftirbragði.
Marsannay Cuvée Marie Ragonneau (2021): Lífrænt Pinot Noir frá Bourgúndí
Marsannay Cuvée Marie Ragonneau frá Domaine Charles Audoin býður upp á djúpstæða tjáningu á Pinot Noir frá Cote de Nuits. Vínekrurnar er staðsettar í tæplega 300 metra hæð og vínin þaðan einkennast af miklum ferskleika og kröftugum ilm af ljósum, rauðum ávöxtum. Þetta vín er engin undantekning. Vínið er framleitt úr lífrænt ræktuðum þrúgum af þremur bestu ekrum svæðisins. Þar er vínviðurinn allt að 70 ára gamall. Vínið hefur verið látið þroskast í 12 mánuði á frönskum eikartunnum (þar af 25% nýjar) sem gefur því fágaðan og margslunginn karakter. Liturinn er tær og aðlaðandi og ilmurinn einkennist af rauðum berjum, þroskuðum kirsuberjum og jarðarberjum ásamt fínlegum keim af þurrkuðum jurtum, skógarbotni, söltuðum möndlum og léttum pipar. Bragðið er silkimjúkt og meðal fyllt, með þéttum en fíngerðum tannínum. Þetta er vín með kröftugum ávexti, djúpum og söltum undirtóni og viðvarandi, hreinu eftirbragði.
Vínkassar Vínklúbbins innihalda hágæðavín sem eru handvalin og sérinnflutt. Í hverjum vínkassa eru þrjár vínflöskur sem koma í fallegum og handhægum gjafaumbúðum. Með vínkassanum fylgir skemmtilegur fróðleikur um uppruna og framleiðanda hvers víns ásamt tillögum um vínpörum. Það er sannkölluð upplifun að opna Vínkassa frá Vínklúbbnum.
Hátíðar- og jólakassi Vínklúbbsins kemur árlega í takmörkuðu upplagi.
Athugið: Forpöntun til 24. nóvember. Hægt er að forpanta jóla- og hátíðarkassann fyrir 24. nóvember til að tryggja afhendingu í byrjun desember.
