Nýstárlegt Bordeaux vín
Poésie Pourpre er einstakt rauðvín sem dregur nafn sitt af djúpum, fjólubláum lit sínum. Nafnið, sem er lauslega þýtt "fjólublátt ljóð", vísar til þess að vínið sé vandað, tilfinningaþrungið og listrænt í senn. Það er unnið úr þrúgum af gömlum Cabernet Sauvignon vínviðum frá Côtes de Bourg í Bordeaux og sýnir þrúguna í sinni hreinustu og ferskustu mynd. Vínið hefur líflegan keim af þroskuðum rauðum ávöxtum, silkimjúk tannín og safaríkt eftirbragð, sem gerir það að ómótstæðilegu vali fyrir alla vínunnendur. Bragðið einkennist af dökkum ávöxtum, vanillu, fínum keim af sætum kryddum og þurrkuðum ávöxtum.
Framleiðandinn
Vignobles Briolais er fjölskyldurekin víngerð, staðsett í Teuillac í Bordeaux, sem hefur starfað í meira en hálfa öld. Frá upphafi hefur víngerðin lagt áherslu á mikil gæði og framleiðslu með virðingu fyrir náttúrunni, enda er víngerðin með HVE-vottun frá Franska landbúnaðarráðuneytinu (High Environmental Value) sem er hannað til að viðurkenna og hvetja til umhverfisvænni starfshátta. Á vínekrum sínum ræktar Vignobles Briolais hinar sígildu Bordeaux-þrúgur á borð við Merlot, Cabernet Sauvignon og Cabernet Franc.
Vínpörun
-
Fordrykkur
-
Grillmatur
-
Tapas
-
Ostar
Upplýsingar
