Einstakt Riesling
Þetta glæsilega Riesling vín hefur hlotið mikið lof vínsérfræðinga enda er hér á ferðinni topp eintak frá Alsace. Vínið býður upp á ljós gulan lit með grænum tónum og ilmurinn einkennist af steinefnum, hvítum ávöxtum, perum, ferskjum og sítrus. Merkimiðinn er í pastellitum sem táknar glæsilegan léttleika og við nánari skoðun mynda punktarnir á miðanum fullt tungl eða jarðhnött (allt eftir eigin túlkun). Samkvæmt framleiðendanum táknar þetta margbreytileika í víninu. Vínið hefur verið geymt í flösku í 2-3 ár og parast einstaklega vel með fiski og hvítu kjöti, en einnig sem fordrykkur. Hér er á ferðinni Grand Cru vín sem má geyma í allt að 15 ár.
Framleiðandinn
Burckel-Jung hefur framleitt vín síðan 1802 (8. kynslóð). Mikil áhersla er lögð á náttúruna og í dag er öll framleiðsla bæði lífrænt og bíódínamískt vottuð. Burckel-Jung víngerðin býður ferðamönnum upp á svokallað "Les plantes Sauvages et la Vignes" sem er hluti af vistvænni ferðamennsku (ecoturism) á Grand Est svæðinu. Líkt og fjölskyldan sjálf, þá hafa vínin frá Burckel-Jung sterkan persónuleika og einstakan karakter. Þessi karakter endurspeglar vinnusemi og alúð átta kynslóða við að þróa og framleiða hágæða vín.
Vínpörun
- Fordrykkur
- Alikjöt
- Svínakjöt
Upplýsingar
- Víngerð: Hvítvín
- Land: Frakkland
- Svæði: Alsace
- Þrúga: Riesling
- Árgerð: 2018
- Áfengismagn: 14 %
- Vínið er lífrænt
